رواية جديدة

النهارده الخميس.. فين المرتب يا هانم؟!
حسام رمى الكلمة وهو داخل المطبخ وصوته مسمع البيت كله، عينه كانت بتدور في كل حتة إلا في عين مراته.
دنيا كانت واقفة قدام البوتاجاز، بتقلب في حلة الخضار والسكوت واكلها. فجأة المعلقة الخشب وقفت في إيدها، وسرحت في البخار اللي طالع من الأكل.. ده تالت شهر على التوالي حسام يستناها على الباب بنفس السؤال، كإنه محصل فواتير مش جوزها. بقلم منال علي 
قالت بهدوء وهي لسه مدية له ضهرها
يا حسام قولتلك المرتبات في المحل بتتأخر شوية، المدير قال يوم الاحد بالكتير هتكون في إيدي.
خبط بإيده على الترابيزة خبطة هزت الأطباق
نفس الأسطوانة المشروخة! مرة السيستم واقع، مرة مفيش سيولة، مرة مفيش حوافز! إيه الهبل اللي إحنا فيه ده؟ إنتي بتشتغلي في وكالة من غير بواب؟!
لفت له ببطء.. وشها كان باين عليه تعب سنين مابينتهيش، شعرها ملموم بتوكه أي كلام، وعفرة دقيق على خدها من كتر الوقفة في المطبخ بعد يوم شغل طويل.
يا حسام أنا شغالة في محل قماش.. يعني

رزقنا يوم بيومه، مش قاعدة في بنك مركزي! والمرتب اللي باخده يادوب بيسند معانا في الأكل والكهرباء اللي مابتخلصش.
قام من على الكرسي بعصبية لدرجة إنه وقعه وراه
بالظبط! يعني مابتنيلةش حاجة! قاعدة طول اليوم وسط شوية خلقات وبتتفرجي على الزباين.. على إيه بقى التناكة دي؟ أمي كان عندها حق لما قالت إنك فاشلة وما بتعرفيش تدبري قرش!
الكلمة نزلت عليها زي الكرباج.. افتكرت لما شركتها القديمة قفلت، وإزاي لفت كعب داير عشان تلاقي شغل يسترهم، وهو بدل ما يطبطب عليها أو يشيل عنها، كان أول واحد بيكسر مقاديفها.
قالت بصوت مهزوز من القهر
طيب والحل؟ أسيب الشغل وأقعد جنبك نتفرج على بعض؟
رد بسخرية وهو بيبص لها من فوق لتحت متوفره على روايات واقتباسات 
يا ريت تشوفي شغلانة بجد! بصي لمنة أختي.. اسم الله عليها، في بنك وبتقبض قدك تلات مرات، وعايشة ملكة.
منة معاها تجارة إنجليزي وخبرة سنين يا حسام، أنا بحاول على قد..
قاطعها بصوت عالي
ما تقعديش تألفي أعذار! بصي للستات اللي بجد.. شغل وبيت وشياكة وريحة حلوة، مش إنتي! طول النهار مبهدلة وريحتك بصل وطبيخ.. أنا بقيت أتكسف أخرج معاكي قدام صحابي!
في اللحظة دي.. دنيا حست إن فيه حاجة انكسرت جواها، بس المرة دي مطلعش ليها صوت. سابت المعلقة، وقلعت مريلة المطبخ ببرود غريب. الغضب جواها كان واصل لمرحلة الغليان، بس كان غضب بشرخ مش بعياط.
قالت بصوت واطي بس كان بيترج في الأوضة من قوته
عارف يا حسام؟ أنا بقالي 8 سنين بديك قرشي مليم على مليم.. عمري ما قولت لك دي فلوسي. فين بقى مشاريعك؟ فين الورشة اللي صدعتني بيها؟
رد ببرود وهو بيطلع سيجارة
وإنتي مالك؟ فلوس وبتتصرف في مصلحة البيت.
علت صوتها لأول مرة من سنين
لا ليا دعوة! أنا اللي حطيت ورث جدتي كله في أوهامك! راحوا في مشروع نقل ملوش ملامح، وبعدها فلوس جمعياتي راحت في قطع غيار مغشوشة! فين النتيجة يا بشمهندس؟!
دي استثمارات يا جاهلة! التجارة مكسب وخسارة! بقلم منال علي 
ضحكت بمرارة وهي بتمسح دموعها
استثمارات في القعدات على القهاوي؟ ولا في الموبايل اللي بتغيره كل ست شهور؟ ولا في لبسك اللي كله براندات وأنا بنزل اشتري هدومي من البالة؟
وشه احمر من الكسوف وقلبها بزعيق، وقرب منها بغل، وهي ولا اتهزت.
أنا راجل! لازم مظهرى يبقى مشرف! إنتي بس اللي غيرانة ونفسك في قميص عدل ومش عارفة تجيبيه.
أنا فعلاً معنديش فلوس.. آخر جاكيت دخل دولابي من 4 سنين، والجزمة اللي في رجلي بتسرب ميه في الشتا! بس المهم جنابك لابس كوتشي بآلافات!
فجأة مسك طبق من على الترابيزة ورماه في الحيطة.. اتهرس ميت حتة.
بسسس بقى! أنا مستحملك ومستحمل فقرك ده بقالي سنين!
وقفت قصاده بكل طولها
مستحملني؟! أنا اللي مستحملة لسانك الزفر، وقلة قيمتك، وتلقيح الكلام قدام الغريب والقريب! أنا اللي شايلاك وإنت عالة وبتتمنظر بفلوسي!
عشان ده الواقع! روحي شوفي مرات صاحبي لبسها إيه وشكلها إيه..
يبقى تروح لها! صرخت فيها بجد.
ابتسم بسخرية صفرا
والله فكرة مش وحشة.. البدائل كتير يا دنيا، وإنتي خلاص صلاحيتك انتهت.
سكتت لحظة.. وبعدين قالت بكلمات رصينة ومرعبة
طيب يا حسام. . اطلع بره.
نعم؟! بتقولي إيه؟
بقولك اطلع