رواية جديدة

مراتي.
أنا ضړبتها عشان أنقذك!
أحمد سكت.
عزيزة قربت منه وهي پتبكي.
الخزنة دي فيها حاجة لو وقعت في إيدها، هتضيع مستقبلك كله.
أحمد عقد حاجبيه.
إيه هي؟
عزيزة سكتت.
ثم قالت
اسأل مراتك.
في المستشفى، وقف أحمد خارج غرفة الطوارئ، هدومه لسه مبلولة.
كل دقيقة كانت بتعدي عليه كأنها ساعة.
وبعد حوالي نصف ساعة، خرج الطبيب.
الحمد لله، الجنين مستقر.
أحمد أخد نفسًا طويلًا.
ومريم؟
هتحتاج راحة ومتابعة. الضړب كان عڼيف، والحمد لله إن الإصابة ما كانتش أخطر.
دخل أحمد الغرفة.
مريم كانت نايمة، ووشها شاحب.
فتحَت عينيها أول ما شافته.
البيبي؟
أحمد قرب منها.
بخير.
دموعها نزلت فورًا.
لكن بدل ما يطمنها، سألها
من إمتى؟
مريم بصت له.
من إمتى إيه؟
من إمتى أمي وأختي بېأذوكي؟
مريم سكتت.
أحمد قعد جنبها.
متكدبيش عليا يا مريم.
بدأت تبكي.
من قبل ما أحمل.
أحمد حس إن قلبه وقع.
ليه ما قولتيليش؟
كنت بخاف.
منهم؟
هزت راسها.
ومن إنك متصدقنيش.
أحمد سكت.
مريم بصت للسقف وقالت
في أول شهر بعد جوازنا، أمك كانت بتدخل أوضتنا وأنا مش موجودة.
ليه؟
كانت بتفتش في حاجاتك.
إيه حاجات؟
كل حاجة.
ثم بصت له.
موبايلك. أوراقك. درج مكتبك.
أحمد عبس.
إنتِ متأكدة؟
أيوه.
سكتت لحظة.
وفي مرة لقيتها ماسكة مفتاح مكتبك.
أحمد حس بقشعريرة.
مفتاح مكتبي؟
ولما سألتها، قالت إنها كانت بتنضف.
ثم بدأت مريم تتنفس بسرعة.
بس دي مش أسوأ حاجة.
أحمد قرب منها.
قولي.
مريم مدت إيدها تحت المخدة.
وطلعت مفتاحًا صغيرًا.
حطته في إيد أحمد.
ده مفتاح درج سري في مكتبك.
أحمد بص له.
إنتِ جبتيه منين؟
من نهى.
نهى؟
أيوه.
إمتى؟
مريم ابتلعت ريقها.
من حوالي شهرين.
في نفس الليلة، رجع أحمد البيت مع الشرطة.
بعد انتهاء الإجراءات الأولية، دخل مكتبه.
مريم كانت قالت له إن فيه درج سري في المكتب.
فتش المكتب كله.
مفيش حاجة.
لحد ما لاحظ اختلاف بسيط في ظهر إحدى المكتبات.
زقها.
اتحركت.
وخلفها ظهر درج صغير.
أدخل المفتاح.
فتح.
في البداية كان فاضي.
إلا من ظرف بني.
فتحه.
وكان جواه مجموعة صور.
صور لأحمد.
صور لبيته.
صور لمريم وهي خارجة من المستشفى.
صور لسيارته.
وصورة أخيرة جعلته يتجمد.
صورة له وهو داخل أحد البنوك.
وتحت الصورة مكتوب بخط اليد
لسه
ناقص التوقيع.
أحمد قلب الورقة.
فوجد نسخة من عقد.
عقد بيع.
وعلى العقد اسمه.
لكن التوقيع
كان يشبه توقيعه بشكل مرعب.
اتصل بمريم فورًا.
مريم، إنتِ تعرفي العقد ده؟
صمت طويل.
ثم قالت
أيوه.
أحمد تجمد.
إنتِ تعرفيه؟
أنا اللي لقيته.
فين؟
في شنطة أختك.
إمتى؟
قبل ما تتجوزني بشهر.
أحمد حس إن دماغه مش قادرة تستوعب.
وليه ما قولتيليش؟
مريم بدأت تبكي.
لأني حاولت أقولك.
وإيه اللي حصل؟
أمك دخلت عليا.
سكتت.
وقالتلي لو فتحت بوقي، هتخلي حياتي چحيم.
أحمد قفل عينيه.
ومع ذلك إنتِ فضلتِ ساكتة؟
كنت فاكرة إني أقدر أحميك لوحدي.
ثم قالت جملة جعلته يسكت تمامًا
لكن أنا اكتشفت حاجة قبل اللي حصل النهارده بأسبوع.
إيه؟
إنهم مش عايزين فلوس الخزنة.
أحمد سأل
أمال عايزين إيه؟
مريم ردت بصوت مرتعش
عايزين البيت كله.
في صباح اليوم التالي، أحمد راح للبنك.
طلب مراجعة كل المعاملات المرتبطة بحسابه.
الموظف رجع له بعد دقائق.
في تحويلات اتعملت من حسابك خلال آخر ستة شهور.
أحمد قطب حاجبيه.
أنا ما عملتش التحويلات دي.
الموظف طبع كشف الحساب.
أحمد بص.
كل التحويلات كانت بمبالغ كبيرة.
والمستفيد
كان حسابًا باسم شركة لم يسمع عنها في حياته.
سأل
مين فتح الحساب ده؟
الموظف قال
الحساب اتفتح باستخدام صورة بطاقتك.
أحمد حس ببرودة في أطرافه.
يعني إيه؟
يعني حد استخدم بياناتك.
ثم أضاف
وفيه طلب قرض اتقدم باسمك كمان.
أحمد رفع عينيه.
واتوافق عليه؟
الموظف هز راسه.
لسه.
أحمد خرج من البنك وهو مش عارف يفكر.
اتصل بمحاميه.
عايزك تيجي فورًا.
وبعد ساعتين، كان المحامي بيقلب في المستندات.
ثم قال
أحمد التوقيع ده مش مزور بطريقة عشوائية.
يعني إيه؟
اللي عمله كان معاه نماذج أصلية من توقيعك.
مين؟
المحامي سكت.
حد قريب منك جدًا.
أحمد افتكر أمه.
ثم أخته.
ثم مريم.
وسأل
ممكن تكون مريم؟
المحامي رفع عينيه.
ممكن.
الجملة نزلت على أحمد كأنها صڤعة.
لأول مرة، دخل الشك إلى قلبه تجاه مريم نفسها.
في المساء، رجع البيت.
لقى مريم قاعدة على السرير.
قال لها
مريم أنا محتاج أسألك سؤال.
اتفضل.
إنتِ كنتِ عارفة عن التحويلات؟
وشها اتغير.
أي تحويلات؟
من حسابي لشركة اسمها النور للاستثمار.
مريم سكتت.
أحمد قرب منها.
إنتِ تعرفي الشركة دي؟
مريم بدأت تبكي.
أيوه.
أحمد رجع خطوة.
إزاي؟
مريم قالت
لأنها باسم شخص أنا أعرفه.
مين؟
رفعت عينيها له.
أبويا.
الصمت ملأ الغرفة.
أحمد بص لها كأنه أول مرة يشوفها.
أبوكي مټوفي من سبع سنين.
مريم هزت راسها.
عارفة.
أمال إزاي الشركة باسمه؟
مريم ما ردتش.
أحمد صړخ
مريم!
فقالت
لأن أبويا ما ماتش.
أحمد تجمد.
إيه؟
أبويا عايش.
ثم مدت له هاتفًا قديمًا.
وده السبب الحقيقي اللي خلاني أتجوزك.
أحمد بص للهاتف.
كان عليه تسجيل صوتي.
ضغط تشغيل.
وصوت رجل مسن خرج من السماعة
لو أحمد عرف الحقيقة قبل ما نلاقي المستند الأصلي كلنا هنروح السچن.
أحمد رفع عينيه لمريم.
مين كلنا؟
مريم بدأت تبكي.
أنا وأبوك وأمك.
أحمد شهق
أبويا؟!
أبوك مش مېت زي ما قالوا لك.
وقبل ما أحمد يستوعب، رن جرس الباب.
مرة.
مرتين.
ثلاث مرات.
أحمد فتح الباب.
وكان واقف قدامه رجل عجوز، يحمل حقيبة جلدية سوداء.
الرجل بص لأحمد وقال
أخيرًا قابلتك يا ابني.
أحمد اتجمد.
إنت مين؟
الرجل ابتسم ابتسامة حزينة.
أنا أبوك.
ثم نظر خلف أحمد، نحو مريم.
وقال
وهي ما قالتلكش أهم حاجة.
أحمد بص لمريم.
إيه؟
الرجل فتح الحقيبة.
وأخرج صورة قديمة.
في الصورة كان أحمد طفلًا صغيرًا.
واقف بين رجل وامرأة.
لكن المرأة
لم تكن عزيزة.
كانت امرأة أخرى تمامًا.
الرجل قال
أمك الحقيقية لسه عايشة.
أحمد وقع منه الهاتف.
وفي نفس اللحظة، وصلته رسالة من رقم مجهول
لو عايز تعرف مين كان بيحاول يفتح الخزنة الليلة دي فعلًا ما تثقش في أي حد في البيت.
رفع أحمد عينيه ببطء.
فوجد مريم واقفة خلفه.
وعلى وجهها نظرة لم يرها من قبل.
نظرة شخص
يعرف الإجابة.
لكن مش قادر يقولها.
أحمد فضل واقف قدام الرجل العجوز، مش قادر ينطق.
بص للصورة.
وبعدين بص لمريم.
ثم قال بصوت مكسور
إنتِ كنتِ عارفة؟
مريم نزلت عينيها.
كنت عارفة إن أبوك عايش لكن ما كنتش عارفة كل الحقيقة.
الرجل العجوز قاطعها
أنا اللي طلبت منها تسكت.
أحمد قرب منه بعصبية.
ليه؟!
الرجل أخذ نفسًا طويلًا.
لأن أمك الحقيقية ما اختفتش بإرادتها.
أحمد تجمد.
يعني إيه؟
عزيزة كانت أختها.
الصمت نزل على المكان.
أبوك اتجوز أمك الحقيقية، وبعد ما ولدتك، حصلت مشاكل كبيرة بسبب الميراث.
عزيزة كانت شايفة
إن كل حاجة