إمبارح في الغردقة، كان فيه سائح وأنفلونسر فرنسي ماشي في شوارع المدينة ، وأثناء ما كان ماشي شاف بنوتة صغيرة لبسها بسيط وفارشة سكرينات موبايلات مكسورة على الأرض وبتلعب بيهم بكل براءة ، بس مش ده اللي لفت نظره ، اللي لفت نظره إنها ماشاءالله تبارك الخالق فائقة الجمال وعيونها تسحرك أول ماتشوفهاالراجل بالرغم أنه من فرنسا بلد الجمال والدلع كله بس حلف أنه عمره
في حياتة مشاف جمال طبيعي ورباني بالشكل ده قبل كده لدرجة أنه بالغ في الوصف وقال كأنها مش من الأرض ، بعدها طلع تليفونه وصور فيديو وهو مذهول ومستغرب إن بنوتة بالجمال ده قاعدة على الرصيف في الشارع بكل عفوية وبساطة ، مش موديل مثلًا في أكبر الإعلانات أو البرانداتالسائح من كتر انبهاره اتكلم معاها، وهي مش فاهمة هو عاوز إيه، فقام مطلع 200 جنيه كأمتنانً وتقديرًا
لجمالها ، لكن رد فعل البنت كان عفوي وبريء جدًا، رفضت بابتسامة وعزة نفس وقالت له No Thanksوحاولت تفهمه إنها بتلعب مش بتبيع، وده اللي خلاه ينبهر أكتر بأخلاقها قبل جمالها الفيديو ده لف السوشيال ميديا في فرنسا كلها وبقى تريند هناك، والمواقع الإخبارية العالمية اتكلمت عن جميلة الغردقة اللي سحرت القلوبالموقف ده بيثبت إن الحاجة الحقيقية بتفرض نفسها من غير تمثيل
ولا تصنعوأجمل ما في الموضوع إن التريند ده طلع نضيف وعفوي ، بعيد عن استغلال وتصوير الأطفال أو الناس اللي بتجري ورا المشاهدات والسبوبةالبنت باين عليها من أسرة بسيطة ، وبرغم ده فضلت محتفظة بخصوصيتها وبراءتها، وده بيأكد إن عزة النفس والجمال الطبيعي هما اللي بيوصلوا للعالمية فعلًا، وإن المعدن المصري الأصيل لسه بخير وموجود في أصغر طفلة ممكن تقابلها في الشارع.
.
